ബിഗ്‌ബോസ് മലയാളത്തിലൂടെ ഏറെ ശ്രദ്ധേയനായ വ്യക്തിയാണ് ബഷീര്‍ ബഷി. രണ്ട് ഭാര്യമാര്‍ അടങ്ങുന്ന കുടുംബമാണ് ബഷീര്‍ ബഷിയെ ശ്രദ്ധാകേന്ദ്രമാക്കിയത്.
മലയാളികളുടെ പ്രിയപ്പെട്ട മിനിസ്‌ക്രീന്‍ ഷോയായ ബിഗ് ബോസ് റിയാലിറ്റി ഷോയിലൂടെ ഏറെ ശ്രദ്ധേയനായ സെലിബ്രിറ്റി ആണ് ബഷീര്‍ ബഷി.
രണ്ട് ഭാര്യമാര്‍ അടങ്ങുന്ന കുടുംബത്തെ ഒത്തൊരുമയോടെ കൊണ്ടു പോകുന്നതാണ് തുടക്കം മുതല്‍ ബഷീര്‍ ബഷി ശ്രദ്ധിക്കപ്പെടാന്‍ കാരണം.
പ്രണയിച്ച് വിവാഹം കഴിച്ച ആദ്യ ഭാര്യയുടെ അനുവാദത്തോടെ ആയിരുന്നു രണ്ടാം ഭാര്യയേയും ബഷി വിവാഹം കഴിച്ചത്.
പ്രാങ്ക് വീഡിയോകള്‍, പാചക പരീക്ഷണങ്ങള്‍, വെബ് സീരീസ് ഒക്കെയായി ബഷീറിനൊപ്പം ഭാര്യമാരും മക്കളും യുട്യൂബ് വഴി ഉണ്ടാക്കുന്നത് ലക്ഷങ്ങളാണ്.
ഇപ്പോഴിതാ ബഷീര്‍ തന്റെ യൂട്യൂബ് ചാനലിന് 10 ലക്ഷം സബ്സ്‌ക്രൈബേഴ്‌സ് ആയതിന്റെ സന്തോഷം പങ്കുവെക്കുകയാണ്.
ഗോള്‍ഡന്‍ പ്ലേ ബട്ടണ്‍ അണ്‍ബോക്സ് ചെയ്തുകൊണ്ടായിരുന്നു ബഷീര്‍ തന്റെ സന്തോഷം ആരാധകരുമായി പങ്കുവെച്ചത്.
യൂട്യൂബില്‍ 10 ലക്ഷം സബ്സ്‌ക്രൈബേസ് ആവുകയെന്ന് പറയുമ്പോള്‍ അത് ചെറിയൊരു കാര്യമല്ലെന്നും അതുകൊണ്ട് തന്നെ വളരെ ഇമോഷണലാണ് തനിക്ക് ഈ അംഗീകാരമെന്നും ജനങ്ങളുടെ സപ്പോര്‍ട്ടാണ് ഈ അംഗീകാരത്തിന് പിന്നിലെന്നും ബഷീര്‍ പറയുന്നു.
ബഷീര്‍ ഈ അംഗീകാരം അര്‍ഹിക്കുന്നതാണെന്ന് മഷൂറ പറയുന്നു. ബിസിനസിന്റെയും കുടുംബത്തിന്റെയും കൂടെ ചെലവഴിക്കാന്‍ സമയം ഇല്ലെങ്കിലും ബഷീര്‍ യൂട്യൂബില്‍ വീഡിയോ ഇടാറുണ്ടെന്നും എല്ലാവരെയും എന്റര്‍ടെയിന്‍ ചെയ്യിപ്പിക്കുക എന്നത് ചെറിയ കാര്യമല്ലെന്നും മഷൂറ പറയുന്നു.
മഷൂറയാണ് എപ്പോഴും നടുവില്‍ നില്‍ക്കുന്നതെന്നും വീട്ടിലെ എല്ലാവരുടെയും സില്‍വര്‍ പ്ലേ ബട്ടന്റെ നടുവിലാണ് മഷൂറയുടെ ഗോള്‍ഡന്‍ പ്ലേ ബട്ടന്‍ ഉള്ളതെന്നും എന്നാല്‍ മഷൂറ എന്നും നടുവില്‍ നില്‍ക്കട്ടെയെന്നും വീട്ടില്‍ ആദ്യം ഗോള്‍ഡന്‍ പ്ലേ ബട്ടന്‍ കൊണ്ടുവന്നത് മഷൂറയാണെന്നും ബഷീര്‍ കൂട്ടിച്ചേര്‍ത്തു.
